Özbəkistanın mədəniyyət naziri Azərbaycana səfər edəcək

Özbəkistanın mədəniyyət naziri Ozodbek Nazarbekov Azərbaycana səfər edəcək.

“Report” xəbər verir ki, nazir mayın 1-3-də Bakıda keçiriləcək VI Ümumdünya Mədəniyyətlərarası Dialoq Forumuna qatılacaq.

Tədbir Azərbaycan Mədəniyyət Nazirliyi tərəfindən beynəlxalq təşkilatlar, o cümlədən BMT-nin Sivilizasiyalar Alyansı (UNAOC), UNESCO, ISESCO və BMT-nin Ümumdünya Turizm Təşkilatının birgə tərəfdaşlığı ilə təşkil olunacaq.